Sulmohet me gurë nga gjashtë persona të paidentifikuar në Zveçan, kamioni që udhëtonte nga Shqipëria. Ja çfarë deklaroi shoferi

Një kamion i cili po udhëtonte nga Shqipëria drejt Kosovës është sulmuar me gurë nga gjashtë persona të paidentifikuar në Zveçan.

Shoferi shqiptar ka paraqitur një denoncim në Policinë e Kosovës. Ai ka deklaruar se autorët kanë dëmtuar derën e kamionit dhe janë larguar në drejtim të panjohur.

“Rudar, Zveçan 17.06.2023-19:00. Ankuesi mashkull Shqiptar shtetas i Shqipërisë ka raportuar se derisa ka qenë me kamion, 5-6 persona të panjohur e kanë sulmuar me gurë me ç’ rast i kanë dëmtuar derën e kamionit dhe janë larguar në drejtim të panjohur, rasti në procedurë hetimore”, sipas policisë.